A vida nunha gota de auga con 1º de ESO-19/20.

En primeiro lugar, lémbrovos que tedes as actividades e ideas para desenvolver estes días sen clases na aula virtual.

A última semana de clases antes de que se suspenderan, nas aulas de 1º de ESO estivemos observando a vida nunha gota de auga.

Para elo, moitos dos rapaces trouxeron mostras de auga recollidas en distintos estanques que deixaron repousar durante varios días con restos de follas, substrato das charcas...

Algúns baixamos ao estanque do noso patio para coller as mostras, que sempre hai que identificar rotulando a data, lugar e persona que recolle a mostra. Así despois non as confundiremos.

A continuación observamos as mostras ao microscopio. Para elo aprendemos como utilizalo correctamente, comezando sempre polo obxectivo de menor tamaño e coa platina o máis alonxada posible do mesmo, e regulando co macrométrico e micrométrico ata obter imaxes nítidas. Só entón podemos pasar ao seguinte obxectivo.

Deste xeito puidemos observar algas unicelulares do xénero Volvox, algas verdes filamentosas, algunha euglena e protozoos, sobre todo ciliados do grupo dos paramecios. Tamén apareceu algunha vorticella.
Nesta ocasión non tivemos sorte coas amebas. Agardamos que noutra ocasión non se nos resistan!

Que sabemos sobre os virus?

Bo día, antes de nada lémbrovos que tedes as tarefas para PEVS e Pe S na anterior entrada do blog, e que para a materia de BioXeo dos distintos cursos vouvos actualizando na aula virtual.

Agora imos á actualidade... a palabra máis repetida nestes días é CORONAVIRUS, e este é o seu aspecto:

Pero rebobinemos...Antes de pararnos no COVID-19, que sabemos dos virus?
Entre a inxente cantidade de información que temos dispoñible o complicado é escollela, así que vos paso os seguintes enlaces, nos que podemos ver unha serie de explicacións sinxelas pero rigorosas sobre os virus.
Este primeiro grupo son vídeos curtos da Rede Mexicana de Viroloxía, cos que aprenderemos os conceptos básicos sobre os virus:
¿Qué son los virus?
¿De dónde vienen los virus?
¿Cómo nos defendemos de los virus?

A continuación mirade estes vídeo de TED en Español, unha canle moi recomendable! No segundo deles ídesvos quedar abraiados coa historia da varíola:
¿Cómo se contagian los gérmenes y por qué nos enferman?
Como conquistamos el virus de la letal viruela.

E agora sí, vexamos que pasa con COVID-19. Na web do SERGAS temos acceso á seguinte información, realmente práctica:
Información sobre o coronavirus. Teresa Queiro, Xefa do Servizo de Medicina Preventiva e Saúde Pública do CHUS.
Como protexer as nenas e nenos do coronavirus. E-Saúde.
Como realizar un correcto lavado de mans. E-Saúde.

Por último, póñovos esta animación, que é fantástica, sobre o mecanismo de actuación do virus no corpo humano... Como xa temos falado, o idioma da ciencia é o inglés, e este vídeo de momento non ten a opción de subtítulos, pero penso que, sobre todo os de 3º E 4º de ESO, podedes miralo e tentar comprendelo. Á volta explicarémolo.
Mecanismo de actuación do COVID-19 no corpo humano. Scientific Animations.

Saúdos, paciencia e moita responsabilidade!

Actividades para facer durante a suspensión das clases polo coronavirus-marzo 2020.

Nestes días en que non temos clase non deberíades esquecervos de traballar todos os días un pouquiño. Así non perderedes o ritmo e a volta será máis doada para todos.

Para os distintos cursos de Bioloxía e Xeoloxía ireivos colgando a partir do luns 16 as actividades e enlaces na aula virtual (lembrade entrar como convidados usando a clave que vos din na clase-1ºESO:2007, 3ºESO:2005, 4ºESO:2004).

Para a materia de Promoción de Estilos de Vida Saudables nestas dúas semanas  buscade información sobre cada un dos grupos de alimentos nos que estades traballando, e traédea seleccionada e organizada para a volta.

Os alumnos de Paisaxe e Sustentabilidade tedes que facer a seguinte actividade:
"O meu entorno"
A ficha debe servirvos como guión, pero non tedes por que cubrila tal e como está, podedes adaptala ao lugar que escollades e presentala o mellor posible. O ideal sería que utilizarades un folio/cartulina en tamaño A-3 e situarades a imaxe no seu centro e a información en torno a ela.

Para calquera dúbida podédesme mandar un correo a bxmende@gmail.com

Lembrade ter sentidiño nestes días: