Tarefa de Saúde

Bo día!
Vouvos propoñer unha última tarefa para rematar o curso de Promoción de Estilos de Vida Saudables. Como esta materia é unha optativa cunha sola hora semanal, coido que é suficiente con realizar este pequeno proxecto para rematar o curso.
A tarefa trata sobre os azucres ocultos nos alimentos, e o que tedes que facer é responder de xeito argumentado á seguinte cuestión: "Deberíase limitar a publicidade de produtos azucrados?"
Para elo proporciónovos  unha serie de instrucións e informacións no documento que vos envío por email.  Tedes que lelo atentamente e ir seguindo os pasos que vos vou marcando.
Se algún non recibe o correo, que se poña en contacto conmigo en bxmende@gmail.com
Saúdos e moito ánimo!!!

Tarefa de Paisaxe.

Bo día!
Vouvos propoñer unha última tarefa para rematar o curso de Paisaxe e Sustentabilidade. Como esta materia é unha optativa cunha sola hora semanal, coido que é suficiente con realizar este pequeno proxecto para rematar o curso.
A tarefa trata sobre o feísmo, e o que tedes que facer é responder de xeito argumentado á seguinte cuestión: "Deberíase sancionar de xeito efectivo o feísmo en Galicia?"
Para elo proporciónovos  unha serie de instrucións e informacións no documento que vos envío por email.  Tedes que lelo atentamente e ir seguindo os pasos que vos vou marcando.
Se algún non recibe o correo, que se poña en contacto conmigo en paisaxemende@gmail.com
Saúdos e moito ánimo!!!

Usuarios da aula virtual de BioXeo. Tarefas de Saúde e Paisaxe

Bo día a todos e moito ánimo para seguir a levar esta situación extraordinaria!

A día de hoxe non temos instrucións concretas acerca do xeito de avaliar e outros aspectos importantes para desenvolvernos nesta terceira avaliación.

Sen embargo, pase o que pase, é positivo para todos estar en contacto e poder traballar do xeito máis cómodo posible. Ata agora accedíades ás aulas virtuais dos distintos cursos como convidados, pero a partires de agora terédelo que facer como usuarios da mesma e así poderedes subir as tarefas, participar en conversas...

Para elo envieivos un correo a cada un de vós co voso nome de usuario e o que debedes facer para cambiar a vosa clave.

Nas aulas virtuais tedes máis información. Aqueles que non recibistes o correo debedes enviarme un e-mail identificándovos para que vos mande o voso nome de usuario.

Respecto aos alumnos de outras materias:

Promoción de Estilos de Vida Saudables 1º ESO: por favor, enviádeme a bxmende@gmail.com as presentacións que estivestes a facer na clase durante as últimas 6 sesións de clase incorporando a información que vos pedín que completarades na entrada deste blogue do 13 de abril.
Sei que algúns de vós non tiñades copia do feito na clase, así que facede o que podades. Lembrade ser claros e organizados, non se trata de facer unha presentación longa, senón coherente e ben presentada. Tomade como referencia as páxinas que deberíades ter apuntadas (https://www2.uned.es/pea-nutricion-y-dietetica-I/guia/guia_nutricion/index.htm?ca=n0,  http://www.estilosdevidasaludable.mscbs.gob.es/alimentacionSaludable/queSabemos/informacionAlimentos/home.htm)
Lembrade que sobre este tema hai moita desinformación na rede, así que é moi importante basearse en fontes fiables.
Tedes ata o luns 27 de abril. Ese día explicareivos as actividades novas para este trimestre.

Paisaxe e Sustentabilidade 2º ESO:
Imos poñernos ao día, e para elo tedes que enviarme as tarefas pendentes ata o luns 20 de abril. Ese día explicareivos as actividades para este trimestre.
IMPORTANTE: NOVO CORREO PARA PAISAXE: paisaxemende@gmail.com
-Os que non me chegastes a entregar a presentación "Os elementos da paisaxe" que estivemos a facer no 2º trimestre mandádema.
-Os que non me enviastes o proxecto sobre "O meu entorno" que vos pedín na entrada deste blogue do 13 de marzo enviádema.

Saúdos e ánimo!

Mitose en células de raíz de cebola con 4º de ESO-19/20.

Antes de retomar o curso nas aulas virtuais e á espera de ter instrucións precisas sobre como imos levalo, imos recordar esta actividade.

Estudando o tema da célula e a súa división, en 4º realizamos a clásica práctica de preparación e observación de mitose en células de raíz de cebola.

Seguimos os pasos que veredes a continuación:

1. Puxemos varias cebolas coas raíces en contacto coa auga, como vedes, para estimular o seu crecemento e así ter células en división para a nosa mostra. Esperamos unha semana e comprobamos que as raíces estaban a medrar:

2. Preparamos o material necesario para facer a práctica: vidro de reloxo, bisturí, tesoiras, pinzas, cubeta, mecheiro de alcohol, portaobxectos e cubreobxectos e orceína A e B.

3. Cortamos os últimos 2-3 mm dunha raiciña en crecemento e a depositamos no vidro de reloxo:

4. Cubrímola cunhas gotiñas de orceína A e quentámola á lapa do mecheiro de alcol con coidado, vendo como vai emitindo vapores pero sen chegar a resecarse nin queimarse. Dámoslle uns minutos para que abrande os tecidos.

5. A continuación pasamos a mostra con coidado do vidro de reloxo ao portaobxectos e botamos unha pinga de orceína B sobre ela para completar o proceso de tinción:

6. Esperamos un minuto e poñemos o cubreobxectos con coidado. Co mango dunha agulla enmangada damos varios golpiños para estender as células da mostra, e despois presionamos sobre ela tras colocar 5ou 6 tiras de papel de filtro (neste paso esquecimos facer fotos). Este é o resultado dunha das parellas:

7. Observamos as nosas mostras ao microscopio con paciencia, pois non nos resultou doado localizar núcleos en mitose nos que poder identificar claramente as fases da mitose, pero pudemos observar os cromosomas.

Aclaracións, novas e ideas para a Semana Santa.

Nestas tres semanas que transcurriron desde a suspensión das clases polo coronavirus funvos subindo actividades e ideas para traballar ás aulas virtuais. Como non son avaliables, calculei as notas da 2ª avaliación tendo en conta o voso traballo entre o 8 de xaneiro e o 13 de marzo.

Estamos á espera de instrucións para organizarnos a partir de Semana Santa, e veremos si podemos avanzar temario e avaliar. En canto teña a información faréivola chegar, lembrade mirar de cando en vez este blog e a aula virtual que vos corresponda.

A pesar desta situación tan especial, a próxima semana é un período non lectivo, polo que non vos vou pedir que traballedes de xeito específico nas distintas materias. Sen embargo, achégovos algunhas ideas que vos poden axudar a entretervos nestes días ao tempo que aprendedes:

Unha boa opción é facer manualidades con material reciclado que teñades pola casa, desde un modelo do Sistema Solar ata unha maqueta dunha célula "comestible"  (tedes centos de ideas na rede) pasando por modelos anatómicos e recortables (por exemplo, aquí podedes descargar o ollo humano e aquí o oído de Ellen McHenry).

Ademais, podedes facer pequenos experimentos caseiros tan sinxelos como o que tedes aquí para explicarlle aos vosos irmáns pequenos por que hai que lavar as mans, ou calquera dos de esta lista de reprodución de youtube sobre experimentos de bioloxía caseiros.

Se vos animades con algunha manualidade ou experimento mandádeme fotos ao correo bxmende@gmail.com

Por último, hai infinidade de webs onde ver documentales online, como a web de rtve, documania tv ou national geographic  En youtube tamén tedes acceso a infinidade de material, o complicado é escoller cáles son fiables e cales non...por exemplo aquí e aquí tedes canles que poden servir.

Ánimo, organizádevos para aproveitar o tempo sen agobiarvos.